logo_mkd_jpg_copy
prijavi_korupcija1

ТИ - Македонија

Актуелно

* Канцеларијата за правни совети на "Транспарентност Интернешнл - Македонија" објавува дека ќе биде отворена за прием на граѓани.

**  Со сите заинтересирани граѓани кои сакаат да    пријават случаи поврзани со корупција, ќе разговараат правни советници.

***  Сите состаноци потребно е претходно да се закажат.Канцеларијата не постапува по анонимни пријави. 

Login Form






Си ја заборавивте лозинката?

Вести

 
rss.2.0.gif
 
veruvale-ili-ne.png

 


izbori-sem.jpg
plakat-bunar-bez-dno-mak-we.jpg
 
poster_transp.jpg
 
 
Вести arrow Бистро/Матно arrow Барометар на корупција за месец Февруари 2008 г.

whistleblowers-mk.jpg

 

Барометар на корупција за месец Февруари 2008 г. Испечати Е-пошта

bistromatno

10.03.2008 „Тајниот“ реизбор на претседателката на Државната комисија за спречување на корупцијата (ДКСК), е најматен настан во февруари според анкетата во која гласаат главни уредници.

За февруари не беше избран позитивен настан во сферата на борбата на против корупцијата. Според критериумите на составувачите на анкетата немаше настан кој би можел да се најде на листата.

Во февруарската анкета „Бистро - Матно“ на Независната новинска агенција Макфакс и на невладината организација „Транспарентност - нулта корупција“ учествуваа главни уредници во 17 највлијателни печатени и електронски медиуми во Македонија.

 

Најматен настан, според шест главни уредници, е (ре)изборот на претседателката на Државната комисија за спречување на корупцијата (ДКСК) Мирјана Димовска. Постапката беше спроведена во најголема тајност, за подоцна дискретно да се обелодени дека претседателка повторно е избрана на истата функција.

Претходно, законската одредба според која претседателот ДКСК се избира на една година, без право на реизбор, беше променета. Антикорупциската комисија работеше врз овој принцип од своето основање, а ова е прв реизбор.

Отсуството на соодветно објаснување и начинот на кој е извршен реизборот предизвикаа сомневања. Особено во делот од јавноста, кој и без тоа смета дека Антикорупциската комисија за време на првиот мандат на претседателката не била премногу активна, особено во неколку случаи, поврзани со активностите на власта.

На второ и трето место, рамноправно, со по четири гласа се најдоа два случаји - пресудата за силувачите на две малолетнички во Куманово, како и владината рекламна кампања „Е-Македонија“, со која се фаворизираат одделни приватни фирми.

Шок и револт се уште владее во кумановската јавност, а особено во семејствата на две 14-годишни девојчиња. Повод е ослободителната пресуда за четворица силувачи, тинејџери, кои се од познати кумановски семејства. Насилството и силувањето врз малолетничките се случило во куќата на еден од малолетниците, кој е син на судија.

Владината кампања „Е-Македонија“ во која се рекламираат бизнисмени од приватниот сектор го дели второто и третото место на листата на матни настани за февруари. Со тоа отворено се фаворизираат компании, за кои може да се рече, дека се блиски до владата. Спорен е и фактот што Владата во оваа рекламна кампања троши буџетски – народни – пари за рекламирање на приватни фирми.

Овој случај, но и вкупното рекламирање на Владата, навлегува во сива зона на суптилна корупција, насочена кон сите категории граѓани. Покрај тоа, Владата редовно се рекламира во исти медиуми, со што овие гласила ги држи цврсто под контрола.

На четврто место на Матната листа, со еден глас, е обидот на Владата да влијае врз работата на Уставниот суд. Повод е оценувањето на уставноста за воведување на веронаука во училиштата. Владата во писмото моли судот расправата за ова контроверзно прашање, да ја одложи за одреден период.

Анкетата „Бистро - Матно“, во која учествуваат главни уредници на национални медиуми, како дел од борбата против корупцијата се спроведува од декември 2004. година. Во анкетата за јануари учествуваа телевизиите, А1 ,Телма, Канал 5, Алсат, радио Канал 77, дневните весници Бизнис, Вечер, Вест, Време, Дневник, Лајм, Утрински весник, Факти, интернет весникот Лоби, неделниците Глобус, Капитал и Фокус.
 
< Претходно   Следно >
 EN en
 
sq
SQ

ТИ-М на социјалните мрежи

facebook_32.png twitter_32.png
blogger_32.png
youtube_32.png

zaednicki_vrednosti.png

 

 

 

audeo.jpg
transparentnost_newsletter

Newsletter - Пријава








Advertisement
bistromatno
Advertisement
Advertisement
 

Анкета

Македонија е најкорумпирана во ...
 

Донатори :

auswartiges.jpg
dep_symbol.jpg
european.jpg
canwordmark_colour.jpg
rijkslogo_en.jpg
ned-logo.jpg
 osce.jpg
 
 
 
 
 
 
 
 
 
 
 
© Транспаренси Интернешнл - Македонија. Сите права задржани